အာရကန်သတင်း

ရခိုင်ပြည်နယ်၊ ဘူးသီးတောင်မြို့နယ်ကို စစ်ကောင်စီလက်ကနေ တိုက်ခိုက်သိမ်းပိုက်ထားပြီး အုပ်ချုပ်ရေးယန္တရားတွေ အကောင်အထည်ဖော်နေတဲ့ ULA/AA က ဒေသခံ ရိုဟင်ဂျာအသိုင်းအဝိုင်းအပေါ် ပိတ်ဆို့ ထိန်းချုပ်မှုတွေကို ယခင်အဆက်ဆက် အာဏာပိုင်တွေထက် ပိုမိုပြင်းထန်စွာ လုပ်ဆောင်နေပြီးတော့ လူသားတစ်ဦးရသင့်ရထိုက်တဲ့ အခြေခံ လူ့အခွင့်အရေးများပင် ဆုံးရှုံးနေရတယ်လို့ AEN သတင်းဌာနက ဆက်သွယ်မေးမြန်းခွင့်ရတဲ့ ရိုဟင်ဂျာကျေးရွာတွေက ဒါဇင်နဲ့ချီတဲ့ ရိုဟင်ဂျာတွေက ပြောပြပါတယ်။ ဟိုဘက်ဒီဖက် လှမ်းမြင်နေရတဲ့ ရွာတစ်ရွာနဲ့ တစ်ရွာ သွားဖို့ကိုတောင် AA ဆီကနေ ထောက်ခံစာယူရတယ်။ ထောက်ခံစာမပါပဲ သွားလာတာကို မိရင် AA တပ်ဖွဲ့ဝင်တွေက ရိုက်နှက်ထိုးကြိတ်တာတွေ လုပ်တယ်လို့ သူ့အဖေရှိတဲ့ တဖက်ရွာကို ထောက်ခံစာမပါပဲ သွားမိလို့ အရိုက်ခံရတဲ့ ရိုဟင်ဂျာတစ်ဦးက ပြောပြပါတယ်။ တစ်ရွာတည်းအတူနေ ရိုဟင်ဂျာတွေအနေနဲ့လည်း အိမ်တစ်အိမ်ကနေ တခြားအိမ်နီးနားချင်းအိမ်တစ်အိမ်မှာ ညဘက်ရှိနေတာကို AA […]

ရခိုင်ပြည်နယ်၊ ဘူးသီးတောင်မြို့နယ်မြောက်ပိုင်း၊ မောင်ကြီးတောင်ကျေးရွာနေ ဒေသခံ ရွာသူရွာသား ရိုဟင်ဂျာတွေကို မူလနေရပ် မောင်ကြီးတောင်ရွာကနေ ရက္ခိုင့်တပ်တော် AA က နှင်ထုတ်လိုက်တယ်လို့ သတင်းရရှိပါတယ်။ မောင်ကြီးတောင်ကျေးရွာတွင် ရိုဟင်ဂျာ အိမ်ခြေ (၈၀)ကျော် လူဦးရေ (၆၀၀) ဝန်းကျင်ရှိကာ အများစုက သာမန်လက်လုပ်လက်စားများ ဖြစ်တယ်လို့ ဘူးသီးတောင် ရိုဟင်ဂျာအသိုင်းအဝိုင်းက ပြောပြပါတယ်။ အောက်တိုဘာလ (၉)ရက်နေ့ နောက်ဆုံးထားပြီး မောင်ကြီးတောင်ရွာကနေ ထွက်သွားပေးရမယ်လို့ AA က အမိန့်ပေးထားတာဖြစ်ပြီး အောက်တိုဘာ (၉)ရက်နေ့တွင် AA စစ်ကြောင်း ရောက်ရှိလာကာ တစ်ရွာလုံးက ရိုဟင်ဂျာတွေကို နှင်ထုတ်ခဲ့တာလို့ အခင်းဖြစ်အခြေအနေကို သိရှိသူတွေက AEN သတင်းဌာနကို ပြောပါတယ်။ AA နှင်ထုတ်လို့ မောင်ကြီးတောင်ရွာကနေ စွန့်ခွာလာရတဲ့ ရိုဟင်ဂျာအုပ်စုဟာ မောင်ကြီးတောင်ရွာရဲ့ အရှေ့ဘက်ရှိ မေယုမြစ်ကမ်းဘေးတွင်

ရခိုင်ပြည်နယ်၊ ဘူးသီးတောင်မြို့နယ်ကနေ ပုဏ္ဏားကျွန်း၊ စစ်တွေသို့ လှေစီးထွက်ပြေးကြတဲ့ စစ်ဘေးရှောင် ရိုဟင်ဂျာ ဒုက္ခသည် (၄၀၀)ခန့်ကို စစ်ကောင်စီစစ်တွေရေတပ်ကနေ ပြီးခဲ့တဲ့ အောက်တိုဘာလ (၂)ရက်နေ့က မြန်မာရေပိုင်နက်အတွင်း ဖမ်းဆီးခဲ့တယ်လို့ သတင်းရရှိပါတယ်။ စစ်ကောင်စီ စစ်တွေရေတပ်ရဲ့ အောက်တိုဘာလ (၂)ရက်နေ့က ဖမ်းဆီးတာခံရတဲ့ ဘူးသီးတောင် ဒေသခံ ရိုဟင်ဂျာ ဒုက္ခသည် (၄၀၀)ခန့်ကို စစ်ကောင်စီက စစ်တွေမြို့မှာ ရှိတဲ့ စာသင်ကျောင်းအချို့မှာ ချုပ်နှောင်ထားတယ်လို့ ကနဦး သတင်းရရှိထားပြီး အဲ့ဒီ့ ရိုဟင်ဂျာ ဒုက္ခသည် (၄၀၀)ရဲ့ သူတို့ရဲ့ စစ်တွေမြို့က ဆွေမျိုးတွေနဲ့ နီးစပ်သူတွေက တွေ့ဆုံနိုင်ဖို့ ကြိုးစားပေမယ့် အခုထိ စစ်ကောင်စီဘက်က ခွင့်မပြုသေးဘူးလို့ သိရပါတယ်။ ဘူးသီးတောင်မြို့နယ်ဒေသခံ ရိုဟင်ဂျာအများအပြားဟာ AA ထိန်းချုပ်နယ်မြေတွေမှာ ရှိနေသလို အချို့မှာ မောင်တော၊ စစ်တွေနဲ့

ရခိုင်ပြည်နယ်၊ အမ်းမြို့နယ် အခြေစိုက် အနောက်ပိုင်းတိုင်းစစ်ဌာနချုပ် (နပခ)နဲ့ ၉ မိုင်ခန့်သာ ဝေးတဲ့ စစ်ကောင်စီရဲ့ မဲတောင်ဗျူဟာစခန်းကို မနေ့ကညနေပိုင်းမှာ ရက္ခိုင့်တပ်တော် (AA)က အပြီးသတ် သိမ်းပိုက်နိုင်ခဲ့ကြောင်း သတင်းထုတ်ပြန်ထားပါတယ်။ အမ်းမြို့နယ်အတွင်း လက်ကျန်စခန်းတွေထဲက တစ်ခုဖြစ်တဲ့ မဲတောင်ဗျူဟာစခန်းကုန်းနဲ့ သူ့အနီးဝန်းကျင်ရှိဆက်စပ်စခန်းကုန်းတွေကို ရက္ခိုင့်တပ်တော် (AA)က ဝိုင်းရံပိတ်ဆို့ ဖြတ်တောက်ထားတာ ကာလအတန်ကြာမြင့်ခဲ့ပြီး စက်တင်ဘာလ ၂၆ ရက်နေ့က စတင်ထိတွေ့တိုက်ပွဲဖြစ်ပွါးခဲ့ရာ ၁၂ ရက်ခန့် အကြာ အောက်တိုဘာလ ၇ ရက်နေ့ ညနေ ၃ နာရီ ၅၀ မိနစ်အချိန်မှာ မဲတောင်ဗျူဟာကုန်းရဲ့ စခန်းတွေကို တစ်ခုပြီးတစ်ခု သိမ်းပိုက်နိုင်ခဲ့တာဖြစ်ပါတယ်။ ယခုသိမ်းပိုက်လိုက်တဲ့ မဲတောင်ဗျူဟာကုန်းမှာ စစ်ကိုင်းတိုင်း၊ ကလေး၊ မော်လိုက်၊ ဟုမ္မလင်းအခြေစိုက် စကခ ၁၀ လက်အောက်ခံ တပ်ရင်းတွေဖြစ်ကြတဲ့

ရခိုင်ပြည်နယ်က ပဋိပက္ခတွေကြောင့် ဘင်္ဂလားဒေရှ့်နိုင်ငံကို လတ်တလောထွက်ပြေးလာတဲ့ အရေးပေါ်အကူအညီလိုအပ်တဲ့ ရိုဟင်ဂျာတွေကို ဘင်္ဂလားဒေရှ့်ရဲ့ပံ့ပိုးကူညီမှုတွေနဲ့အတူ လူသားချင်းစာနာထောက်ထားမှုဆိုင်ရာ အကူအညီစတင်ပေးနေပြီဖြစ်တယ်လို့ UNHCR in Bangladesh ကပြောကြားခဲ့ပါတယ်။ ဘင်္ဂလားဒေ့ရှ်ဟာ မြန်မာနိုင်ငံတွင်း ဖြစ်ပွားနေတဲ့ ပဋိပက္ခတွေကြောင့် ထွက်ပြေးတိမ်းရှောင်လာတဲ့ ရိုဟင်ဂျာ ဒုက္ခသည်တွေကို အရေးပေါ် အသက်ကယ် အကူအညီတွေ တိုးမြှင့်ပေးဖို့ခွင့်ပြုခဲ့တယ်လို့ပြောပါတယ်။ UNHCR သည် ရိုဟင်ဂျာဒုက္ခသည်စခန်းအတွင်း မကြာသေးမီက ရောက်ရှိလာခဲ့တဲ့ အများစုသော အမျိုးသမီးတွေ၊ ကလေးတွေနဲ့ ထိခိုက်လွယ်တဲ့ မိသားစုတွေကို ဖော်ထုတ်ကူညီဖို့ အကြီးအကဲအနေနဲ့ ဘင်္ဂလားဒေ့ရှ် အစိုးရနဲ့ ပူးပေါင်းဆောင်ရွက်ဖို့ အခွင့်အာဏာ ရရှိထားပါတယ်။ ဒီအခွင့်အ​ရေးတွေနဲ့ အချက်အလက်တွေဟာ လူသားချင်းစာနာထောက်ထားမှုဆိုင်ရာအေဂျင်စီတွေကို အရေးပေါ်အသက်ကယ်တင်ရေးအကူအညီများပေးဆောင်ဖို့ ကူညီပံ့ပိုးပေးမယ်လို့ UNHCR ဘင်္ဂလားဒေ့ရှ် ကိုယ်စားလှယ် ဆုမ်ဘုလ်ရိဇ်ဘိီကပြောပါတယ်။

ရခိုင်ပြည်နယ်၊ မောင်တောမြို့နယ်တောင်ပိုင်း၊ ပန်းတော်ပြင်ကျေးရွာ ယခင်ကျေးရွာအုပ်ချုပ်ရေးမှူးဖြစ်သူ ဦးအာယာတူလာနဲ့ အကိုဖြစ်သူ ဦးရော်ရှိတူလာတို့ (၂)ဦးသည် မောင်တောကနေ ဘင်္ဂလားဒေ့ရှ်ဘက် စစ်ဘေးရှောင်လိုသူတွေကို AA တပ်ဖွဲ့ဝင်တွေရဲ့ အကာအကွယ်နဲ့ ဖိအားပေး ငွေကြေးတောင်းယူနေတယ်လို့ ကိုယ်တိုင်ကြုံတွေ့နေရသူတွေက AEN သတင်းဌာနကို ပြောပါတယ်။ ယခင် ပန်းတော်ပြင်ကျေးရွာအုပ်ချုပ်ရေးမှူး ဦးအာယာတူလာနဲ့ အကိုဖြစ်သူ ဦးရော်ရှိတူလာတို့ (၂)ဦးသည် လတ်တလော မောင်တောမြို့နယ်၊ ဒုညောင်ပင်ကြီးကျေးရွာမှာ နေထိုင်လျက်ရှိပြီး မောင်တောမြို့နယ်ကို ထိန်းချုပ်ထားတဲ့ AA အရာရှိတချို့နဲ့ ပူးပေါင်းကာ ဒေသခံ ရိုဟင်ဂျာတွေကို ဖိနှိပ်မှု၊ အကျပ်ကိုင် ခြိမ်းခြောက်မှုတွေ ရှိနေတယ်လို့ သိရပါတယ်။ မောင်တောကနေ ဘင်္ဂလားဒေ့ရှ်ဘက် စစ်ဘေးရှောင်လိုသူတွေကို ဦးအာယာတူလာနဲ့ အကိုဖြစ်သူ ဦးရော်ရှိတူလာတို့က တစ်ဦးလျှင် ငွေကျပ်သိန်း(၂၀)အထိ တောင်းယူနေသလို ရိုဟင်ဂျာတွေကို AA အရာရှိတချို့ အကာအကွယ်နဲ့

ရခိုင်ပြည်နယ်၊ မောင်တောမြို့၊ တောင်ပြိုကနေ စျေးဝယ်ပြီး ပြန်လာတဲ့ မော်တော်ယာဉ်တစ်စီးကို အာဆာလက်နက်ကိုင်အဖွဲ့က အလစ်ဝင်ရောက် ပစ်ခတ် တိုက်ခိုက်ခဲ့တာကြောင့် အမျိုးသမီး ၁ ဦးသေဆုံးပြီး ၄ ဦးမှာ ဒဏ်ရာရရှိခဲ့တယ်လို့ မောင်တောသတင်းအရင်းအမြစ်တွေ ပြောပါတယ်။ အောက်တိုဘာလ ၆ ရက် မနေ့က ညနေ ၄ နာရီခန့်မှာ မောင်တောမြို့နယ် မြောက်ပိုင်း တောင်ပြိုမြို့ကနေ စျေးဝယ်ပြီး အိမ်ပြန်လာတဲ့ အရပ်သား ကားတစ်စီးကို အာဆာလက်နက်ကိုင်အဖွဲ့က ခြုံခိုပစ်ခတ်ခဲ့တိုက်ခိုက်ခဲ့တာကြောင့် အောင်မင်္ဂလာကျေးရွာနေအသက် ၃၈ နှစ်အရွယ် ဒေါ်ဆန်းဆန်းဦးမှာ ဝဲဖက်နားထင်ကို ကျည်ထိမှန်ကာ သေဆုံးခဲ့ပြီး ၄ ဦးမှာ လက်နက်ငယ်ဒဏ်ရာတွေ ရရှိခဲ့ကြတယ်လို့ ရက္ခိုင့်တပ်တော် (AA)က ဒီနေ့ ထုတ်ပြန်လာပါတယ်။ လက်ရှိမှာ ဒဏ်ရာရရှိသူ ၄ ဦးအနက် ၁ ဦးဟာ

ရခိုင်ပြည်နယ် မြောက်ပိုင်းက ဘင်္ဂလားဒေ့ရှ်နိုင်ငံနဲ့ ထိစပ်နေတဲ့ နေရာတွေမှာ ဒေသခံတွေ အသုံးပြုလို့ ရရှိနေတဲ့ ဘင်္ဂလားဒေ့ရှ်နိုင်ငံသုံး မိုဘိုင်းဆင်းကဒ် အသုံးပြုမှုကို ရက္ခိုင့်တပ်တော် AA က တားမြစ်ပိတ်ပင်ထားတယ်လို့ မောင်တောမြို့နယ်အတွင်းက ရိုဟင်ဂျာတွေက AEN သတင်းဌာနကို ပြောပါတယ်။ AA ရဲ့ ဘင်္ဂလားဆင်းကဒ် အသုံးပြုတာကို ပိတ်ပင်မှုက ရိုဟင်ဂျာတွေကိုပဲ ပြုလုပ်တာဖြစ်ပြီး ရခိုင်အပါအဝင် တခြားလူမျိုးတွေရဲ့ ဘင်္ဂလားဆင်းကဒ် ကိုင်ဆောင် အသုံးပြုမှုကိုတော့ AA က တားမြစ်တာမျိုး မရှိဘူးလို့ ဆိုပါတယ်။ ရခိုင်ပြည်နယ်က မြို့နယ်အတော်များများမှာ ပြည်တွင်းက ဆက်သွယ်ရေးဝန်ဆောင်မှုပေးနေတဲ့ MPT အပါအဝင် ဆက်သွယ်ရေးဝန်ဆောင်မှုလုပ်ငန်းတွေရဲ့ ဆင်းကဒ်တွေ အသုံးပြုလို့ မရဘဲ ဆက်သွယ်ရေး ပြတ်တောက်လျက်ရှိနေပြီး၊ ဘင်္ဂလားဒေ့ရှ်နိုင်ငံနဲ့ နယ်ချင်းထိစပ်မှုရှိတဲ့နေရာတွေမှာတော့ ဟိုးအရင်ကတည်းက ဒေသခံပြည်သူတွေဟာ ဘင်္ဂလားဒေ့ရှ်နိုင်ငံက ဆက်သွယ်ရေးဝန်ဆောင်မှုတွေကို

ရခိုင်ပြည်နယ်မြောက်ပိုင်းမောင်တောမှာ စစ်ကောင်စီနဲ့ ရက္ခိုင့်တပ်တော်အေအေတို့ကြား တိုက်ပွဲပြင်းထန်မှုဖြစ်ပွါးခဲ့ရာ ဒရုန်းတွေ၊ လက်နက်ကြီးတွေနဲ့ပစ်ခတ်တိုက်ခိုက်တဲ့အတွက် ရိုဟင်ဂျာတွေရာနဲ့ချီသေဆုံးပြီး ဒဏ်ရာရသူတွေလည်းအများအပြားရှိတယ်လို့သိရပါတယ်။ အဆိုပါတိုက်ပွဲမှ စစ်ရှောင်ထွက်ပြေးပြီး ဘင်္ဂလားဒေရှ့်ကို ယာယီစစ်ရှောင်နေတဲ့ မိသားစု တစ်ထောင်ခန့်ကို တူရကီလူသားချင်းစာနာထောက်ထားတဲ့အဖွဲ့တစ်ဖွဲ့က မနေ့က စက်တင်ဘာလ ၂ရက်နေ့မှာ ရိက္ခာပေးခဲ့တယ်လို့သိရပါတယ်။ “ရခိုင်ပြည်နယ်ရှိ ရိုဟင်ဂျာမွတ်ဆလင်တွေဟာ စစ်ကောင်စီနဲ့ ရက္ခိုင့်တပ်တော်တို့အကြား တိုက်ပွဲအလယ်မှာပိတ်မိနေပါတယ်။ ဘင်္ဂလားဒေ့ရှ် နယ်စပ်မှာ ခိုလှုံနေတဲ့ ရိုဟင်ဂျာမွတ်ဆလင်တွေအတွက် အရေးပေါ် အကူအညီပေးရေး နယ်ပယ်အတွင်းက မိသားစု ၉၈၀ ကို ရိက္ခာ ထုပ်ပိုးပြီး ကနဦးပေးပို့ခဲ့ပါတယ်” လို့ရေးသားထားပါတယ်။

မြန်မာ-ဘင်္ဂလားဒေရှ့်နယ်စပ်အတွင်းမှာ မူးယစ်ဆေးဝါးသယ်ဆောင်မှုကိုအဓိကပြုလုပ်တဲ့ ရိုဟင်ဂျာအမည်ခံလက်နက်ကိုင် နော်ဘီဟူးဆောင်းအဖွဲ့ခေါင်းဆောင်နဲ့ သူ့ညီကို ဘင်္ဂလားဒေရှ့်အာဏာပိုင်တွေက ဖမ်းဆီးရမိခဲ့တယ်လို့ ဘင်္ဂလားဒေရှ့်နိုင်ငံ ကောဇ့်ဘဇားအခြေစိုက် သတင်းဌာနတစ်ချို့က ဖော်ပြထားပါတယ်။ မြန်မာ-ဘင်္ဂလားဒေရှ့်နယ်စပ်၊ ရခိုင်ပြည်နယ်မြောက်ပိုင်း မောင်တောမြို့နယ်နဲ့ ဘင်္ဂလားဒေရှ့်ရိုဟင်ဂျာဒုက္ခသည်စခန်းအတွင်းမှာ လှုပ်ရှားတဲ့ မူးယစ်ဆေးဝါးသယ်ဆောင်မှုကိုအဓိကပြုလုပ်တဲ့ ရိုဟင်ဂျာအမည်ခံလက်နက်ကိုင် နော်ဘီဟူးဆောင်းအဖွဲ့ရဲ့ခေါင်းဆောင် နော်ဘီဟူးဆောင်းနဲ့ သူ့ညီ ဆွေယိဒ်ဟူးဆောင်းကို ပြီးခဲ့တဲ့ သြဂုတ်လ ၃၁ ရက်နေ့မှာ ဘင်္ဂလားဒေရှ့်အာဏာပိုင်တွေက ဖမ်းဆီးရမိခဲ့တယ်လို့ သိရပါတယ်။ အဆိုပါ နောဘီဟူးဆောင်းဦးဆောင်တဲ့ ရိုဟင်ဂျာအမည်ခံလက်နက်ကိုင်ဂိုဏ်းကို Arakan Rohingya Army (ARA)လို့ အမည်ပေးထားပြီး ပြီးခဲ့တဲ့ ဇူလိုင်လကနေ သြဂုတ်လ ၄ ရက်နေ့အထိ စစ်ကောင်စီနဲ့ ပူးပေါင်းကာ မောင်တောမှာလှုပ်ရှားခဲ့တယ်လို့လည်း သိရပါတယ်။ ဘင်္ဂလားဒေရှ့်ရိုဟင်ဂျာဒုက္ခသည်စခန်းရောက် ရိုဟင်ဂျာအရေးတက်ကြွလှုပ်ရှားသူတစ်ယောက်က “နောက်ဘီဟူးဆောင်းဦးဆောင်တဲ့ ARA အဖွဲ့က မူးယစ်ဆေးဝါးသယ်ဆောင်တာတွေ ရောင်းဝယ်တာတွေပြုလုပ်တဲ့ဂိုဏ်းပဲ ဖြစ်ပါတယ်။ ရိုဟင်ဂျာအမည်ခံထားပေမယ့်